mega888 Programs & Events - Pandian Educational Trust


அறிஞர் ஆய்வு தளங்களும் மதிப்பீடும்

(Scholarly Databases and Indexing)
29.5.2020, 30.5.2020, 31.5. 2020

ஆராய்ச்சி தளத்தில் அறிஞர் சார் படைப்புகளை ஆய்வு மற்றும் மதிப்பீடு சார்ந்த தளங்களாகிய 'ஓஆர்சிஐடி', 'பப்ளன்ஸ்' (வெப் ஆஃப் சயின்ஸ்) 'ஃபிக்சேர்', 'கூகுள் ஸ்காலர்' போன்றவற்றில் பதிவிடும் முறைகளை எடுத்துரைக்கிறது. இவையாவும் பன்னாட்டு அளவில் சுயவிபரக்குறிப்பைப் பதிவேற்றிடவும், ஆய்வுக்கட்டுரைகள் மற்றும் ஏனைய படைப்புகளுக்குக் குறியீட்டு எண், மேற்கோள் பெறவும், ஆய்வுக் கருத்துகளைப் பன்னாட்டு தளங்களில் பதிவு செய்யவும், கருத்து திருட்டைக் குறைக்கவும், நிரந்தரப்பணி மற்றும் பதவி உயர்வு சார் தரத்திற்கு உயர்த்தி கொள்ளவும் உதவி புரிகின்றது.

The webinar teaches about the significance of registering scholarly works in scholarly databases and getting Indexing in ORCiD, Publons (Web of Science), Figshare, Google Scholar. This helps to create an International level scholarly profile, getting DOI for Scholarly Publications, Citations, Research reviews in databases, Anti-Plagiarism, API for regular posts and promotion.

 

கருத்துத் திருட்டும் அதை தவிர்க்கும் முறைகளும்

(Plagiarism and the Methods to Avoid Them)
27.6. 2020

ஆராய்ச்சித்திறன் மேம்பட்டு அதிக படைப்புகள் வெளிவந்து சமூகம் உய்வதற்கு அனைத்துத் துறைகளிலும் கருத்துத் திருட்டைத் தவிர்ப்பது அவசியமான ஒன்றாகும். - த.மகேஸ்வரி

 

நவீன ஆய்வுலகில் டிஓஐ-ன் (DOI) பயன்பாடு

24.7. 2020

டீஒஐ (DOI- Digital Objective Idenifer) என்பது நவீன ஆய்வுலகத்தில் பெரும்பாலும் ஆராய்ச்சி கட்டுரைகளை நிரல் மற்றும் குறிப்புக்குட்படுத்தும் முறையாகும். அநேகமாக நாம் இணையத்தில் ஓர் கட்டுரையைத் தேடும்பொழுது (404 file not found) 404 கோப்பு காணப்படவில்லை. (404 file not found) என்று கண்டு இருப்போம். ஆராய்ச்சி கட்டுரையில் ஆய்வுத் தரவுகளுக்குக் குறிப்பு கொடுக்கும் பொழுது இணைய உரலிகளை முறையான குறிப்பு முறையாகப் பயன்படுத்த முடியாது. அதற்கு சிறந்த முறையாக ஆய்வு தரவுகளை நெறிப்படுத்தும் வழிமுறைக்கு டிஓஐ (DOI) தரவுகளைச் சேமிக்கும் அமைப்பு தொடங்கப்பட்டது.

 

ஒரு நாள் இணையவழி பன்னாட்டுக் கருத்தரங்கம் 

தொல்லியல் தொன்மையும் அருங்காட்சியகச் சிறப்பும்


15.5.2021


          பாண்டியன் கல்வி அறக்கட்டளை மற்றும் மகேஸ்வரி பப்ளிசர்ஸ் தமிழ்மொழி மற்றும் இலக்கியத்திற்காக அரிய நிகழ்ச்சிகளை நடத்தி வருகின்றது. சிறந்த மதிப்புரை பெற்ற ஆய்விதழ்கள், புத்தகங்கள், புத்தகப்பகுதிகள் மற்றும் கருத்தரங்க வெளியீடுகளைப் பதிப்பும் செய்து வருகின்றது. அதன் தொடர்ச்சியாக “தொல்லியல் தொன்மையும் அருங்காட்சியகச் சிறப்பும்” எனும் ஆய்வுப் பொருண்மையில் ஒரு நாள் இணையவழி பன்னாட்டுக் கருத்தரங்கம் ஒன்றை நடத்தி தமிழ்சார் தொல்லியல் மற்றும் அருங்காட்சியகத் தளத்தை ஆய்வரங்கில் பதிவிடத் திட்டமிட்டுள்ளது. ‘தொல்’ எனும் சொல் பழமையைக் குறிக்கும். ‘தொல்லியல்’ என்பது பழம்பொருளைத் தேடி அதன் மூலத் தன்மையை அரியக் கூடிய கலையாய் அமைகின்றது. நமது உலகில் எண்ணற்ற நாகரீகங்கள் தோன்றி மறைந்திருக்கின்றன. பழம்பெரும் நாகரீகங்களில் சில இன்றும் உயிர்ப்புடன் திகழ்கின்றது. அதில் தமிழர் நாகரீகம் முக்கிய இடம் வகிக்கின்றது. “யாதும் ஊரே யாவரும் கேளிர்” என்ற சொல்லுக்கிணங்க தற்போதைய மாநில மற்றும் தேசிய எல்லைக்கு அப்பாலும் தமிழர் நாகரீகத்தின் தொல்லியல் சான்றுகள் கிடைக்கப் பெற்று இருக்கின்றன. மேலும், தொல்லியல் சான்றுகள் கிடைக்கப் பெறுகின்றது.
மேலைநாட்டு அருங்காட்சியகங்களிலும் தமிழர்சார் தொல்லியல் பொருட்கள் பத்திரப் படுத்தப் பட்டுள்ளன. தொல்லியல் ஆய்வு மானுடவியல், கலாச்சாரவியல், சமய-சடங்குகள், மரபியல் இன்னும் ஏனைய சமுதாயம் சார்ந்த நிகழ்வுகளைக் கண்டு தெரிந்து கொள்ள சிறந்த களப்பணியாய் அமைகிறது. தொல்லியல் அகழ்வாராய்ச்சி மற்றும் ஆய்வுகள் மூலமாக ஓர் நாகரீகத்தின் பழம்பெருமையை அறிந்து கொள்ள முடியும். அகழ்வாராய்ச்சியில் கிடைக்கப் பெற்ற பொருட்கள் மற்றும் தரவுகளைப் பத்திரப்படுத்தும் இடமாக அருங்காட்சியகங்கள் திகழ்கின்றன. தமிழ்நாட்டில் பல்வேறு இடங்களில் கிடைக்கப் பெற்ற தொல்பொருட்களை அந்தந்த மாவட்டங்களின் அருங்காட்சியகங்கள் பாதுகாத்து வருகின்றன. இவ்விரண்டு துறைகளையும் ஒன்றிணைத்து அரியப்பெறுகின்ற தமிழர் பாரம்பரியத்தை நன்கு ஆய்வுக்குட்படுத்தி “தொல்லியல் தொன்மையும் அருங்காட்சியகச் சிறப்பும்” எனும் ஆய்வுப் பொருண்மையில் ஒரு நாள் பன்னாட்டு இணையவழி கருத்தரங்கம் நடத்தி அரிய ஆய்வுக் கட்டுரைகளை ஆய்வுக்கோவையாக வெளியிட ஆய்வு நெறிமுறைக்குட்பட்ட தகுதியான கட்டுரைகள; வரவேற்கப்படுகின்றன. ஆய்வுக் கட்டுரைகள் கொடுக்கப் பட்டுள்ள ஆய்வுப் பொருண்மைகள் மற்றும் அது சார்ந்த செய்திகள் கொண்டு அமையலாம்.

 

ஆய்விதழைக்கண்டறிதல் மற்றும் பதிப்பித்தலில் சிக்கல்களும் தீர்வுகளும்
Finding Good Journals and the Problems in Publishing and Solutions

 

30 & 31.10.2021

ஆசிரியர் திறன் மேம்பாட்டுப் பயிற்சி
தலைப்பு
ஆய்வுக்கட்டுரை வழங்குதலும் மதிப்பீடு செய்தலும்
Article Submission and Indexing

 

அன்புடையீர் வணக்கம் !

பெருமைமிகு பல்கலைக்கழகங்கள், கல்லூரிகள் மற்றும் ஆய்விதழ்களின் பேராதரவுடன்
பாண்டியன் கல்வி அறக்கட்டளையின் முதலாம் பத்து நாள் சர்வதேச இணையவழி கருத்தரங்கம். திருவள்ளுவர் ஆண்டு 2053 சித்திரை  மாதம்  14ம் தேதி முதல் - 23ம் தேதி வரை (27.04.2022- 06.05.2022) Click for Brochure - https://tinyurl.com/3c9acmp5

கருத்தரங்கத் தலைப்பு

பழையன தெளிதலும் புதியன புனைதலும்
Deciphering the Classics and Creating the Modern
       

மலாயாப் பல்கலைக்கழகம், மலேசியா.
தென்கிழக்கு பல்கலைக்கழகம், இலங்கை.
மதுரை காமராசர் பல்கலைக்கழகம், மதுரை, தமிழ்நாடு, இந்தியா.
தமிழ்நாடு திறந்தநிலைப் பல்கலைக்கழகம், சென்னை, தமிழ்நாடு, இந்தியா.
தில்லிப்  பல்கலைக்கழகம், புதுதில்லி, இந்தியா.
புதுவைப் பல்கலைக்கழகம், புதுவை, இந்தியா.

அ. வீரையா வாண்டையார் நினைவு ஸ்ரீ புஷ்பம் கல்லூரி, பூண்டி, தமிழ்நாடு, இந்தியா.
அரசு கலைக் கல்லூரி, நாகலாபுரம், தமிழ்நாடு, இந்தியா.
வே. வே. வன்னியப்பெருமாள் மகளிர் கல்லூரி, விருதுநகர், தமிழ்நாடு, இந்தியா.
செந்தமிழ்க் கல்லூரி, மதுரை, தமிழ்நாடு, இந்தியா.
மன்னர் திருமலை நாயக்கர் கல்லூரி, மதுரை, தமிழ்நாடு, இந்தியா.
ஸ்ரீ எஸ். இராமசாமி நாயுடு ஞாபகார்த்தக் கல்லூரி, சாத்தூர், தமிழ்நாடு, இந்தியா.
காமராஜ் கல்லூரி, தூத்துக்குடி, தமிழ்நாடு, இந்தியா.
    
தமிழ்மொழி மற்றும் இலக்கிய பன்னாட்டு ஆய்விதழ், விருதுநகர், தமிழ்நாடு, இந்தியா.
அரண் பன்னாட்டுத் தமிழாய்வு மின்னிதழ், சென்னை, தமிழ்நாடு, இந்தியா.
பாண்டியன் கோவில் கலைகள் தமிழ் ஆய்விதழ், விருதுநகர், தமிழ்நாடு, இந்தியா.
புலம்: பன்னாட்டுத் தமிழியல் ஆய்விதழ், விழுப்புரம், தமிழ்நாடு, இந்தியா.
செங்காந்தள், விருதுநகர், தமிழ்நாடு, இந்தியா.

கருத்தரங்க ஆலோசனைக் குழு

முனைவர் மோகன்தாஸ் இராமசாமி, திரு. நவரெட்ணம் சுபராஜ், முனைவர் வை. இராமராஜபாண்டியன்,  முனைவர் சு. நாகரத்தினம், முனைவர் சி. கார்த்திகேயன், முனைவர் தி. உமா தேவி, முனைவர் மூ. கருணாநிதி, முனைவர் எஸ். சாந்தி கேசவன்  முனைவர் ரா. சாந்தகுமாரி, முனைவர் வே.மணிகண்டன், முனைவர் நா. சிவாஜி கபிலன், முனைவர் த. வேல்மயில், முனைவர் பூ. பூங்கோதை, முனைவர் தி. பரிமளா, முனைவர் பி. ஸ்ரீதேவி, முனைவர் செ. கஸ்தூரி,  முனைவர் த. மகேஸ்வரி, முனைவர் ஞா. அந்தோணி சுரேஷ், முனைவர் பிரியா கிருஷ்ணன், முனைவர் கி. நாகேந்திரன், முனைவர் ம. சிவபாலன், முனைவர் ச. தங்கமணி, முனைவர் ஜெ. கவிதா.

பாண்டியன் கல்வி அறக்கட்டளை கல்வி, கற்றல் முறைகள், ஆராய்ச்சி மற்றும் நெறிமுறை வெளியீடு ஆகியவற்றைப் பரப்புவதற்கான கல்விச் சேவைகளை ஊக்குவித்து வருகிறது. இந்திய நாட்டில் கல்வி சார்ந்த செயல்பாடுகளை மையமாகக் கொண்டு அறக்கட்டளைச் செயல்படுகிறது. கல்விச் சமூகத்திற்கு ஆராய்ச்சி நெறிமுறை, ஆராய்ச்சிக் கட்டுரைகள் எழுதுதல் மற்றும் புத்தகம் வெளியிடுவதில் ஆலோசனைகளையும் வழங்கி வருகிறது. கலை மற்றும் மானுடத் துறையில் நவீன ஆராய்ச்சியைச் சரியான பாதையில் கொண்டுச் செல்ல பல கருத்தரங்கங்களை நடத்தி வருகிறது. இது பாண்டியன் கல்வி அறக்கட்டளையின் முதலாம் பத்து நாள் சர்வதேச கருத்தரங்கம்  ஆகும்.
தமிழ்மொழி அறமொழி என்பதுவாம். உலக நாகரிகங்களில் தமிழ்க் கலாச்சாரம் மற்றும் இலக்கியம் பன்னெடுங் காலத்திற்கு முன்னரே கீர்த்தி உடையதாய் திகழ்ந்து வருவதை உலகறியும். தமிழ் இலக்கண, இலக்கியங்கள் அனைத்தும் அருமையான வாழ்வியல் பதிவுகள், நன்னெறிச் சிந்தனைகள், ஆன்மிகக் கருத்துகள், ஒழுக்க நியதிகள், சமுதாய விழுமியங்கள் மற்றும் மானுடச் சிந்தனைகள் போன்ற வாழ்விற்கு அரிய கருத்துகளை வழங்கி உள்ளது. சமுதாயச் சீர்கேடுகளைத் தீர்க்க இலக்கியம் வழி எண்ணிலடங்காப் படைப்புகள் வெளிவருகின்றன. பழைய தமிழ்ப்படைப்புகள் அனைத்தும் மிக அருமையான ஞானத்தை வழங்குவதாகவே திகழ்கின்றன. புதிய படைப்புகள் பல சிறப்புடன் உருவாகிக் கொண்டேயும் இருக்கின்றன. இவற்றை ஆய்வுக்கு உட்படுத்துதல் அவசியமாகத் தோன்றிற்று. இக்கருத்தரங்கம் மூலம் தமிழ்த் தொன்மை மிளிரும்; மானுடம் சிறக்கும் என்பது திண்ணம். நவீன ஆய்வு முறைகள் அற்புதமான வாழ்வியல் சார்ந்த கருத்துகள் வெளிவர துணை நிற்கின்றன. அதன் பொருட்கொண்டு ஆய்வு இடைவெளி மற்றும் ஆய்வு கண்டுபிடிப்புகள் வெளிவந்து கொண்டே உள்ளன. பழம்பெரும் படைப்புகளின் பெருமைகளை இனங்கண்டு புதிய படைப்புகள் வழி அவற்றைப் புனைதல் தற்காலத்துச் சிக்கல்களைத் தீர்ப்பதற்கு வழிவகுக்கும். எனவே, பழையன தெளிதலும் புதியன புனைதலும் எனும் தலைப்பிலான கருத்தரங்கம் தமிழ்நாட்டில் முன்னெடுக்கப்பட்டு உள்ளது. தலைசிறந்த பல்கலைக்கழகங்கள், கல்லூரிகள் மற்றும் ஆய்விதழ்களில் தமிழ்மொழி மற்றும் இலக்கியம் சிறக்கப் பணியாற்றக்கூடிய பேராசிரியர்களின் சிந்தனைகளின் வழி பெறக்கூடிய ஆய்வுக்களம், ஆய்வுநெறிமுறைகள் போன்ற செய்திகளை ஆய்வாளர்கள் அறிந்து கொண்டு ஆய்வுக்கட்டுரைகளை உருவாக்க இக்கருத்தரங்கம் துணை செய்யும் என்பது உண்மை. இதன்மூலம் தமிழ்மொழி மற்றும் இலக்கியம் மென்மேலும் சிறக்கும்.


கருத்தரங்கப் பங்கேற்பு  & காணொளி நிகழ்வு

27.04.2022 & 06.05.2022 ஆகிய நாட்களில் தலைசிறந்த பன்னாட்டு மற்றும் இந்திய பல்கலைக்கழகங்கள், கல்லூரிகள் மற்றும் ஆய்விதழ்களில் பணியாற்றக்கூடிய பேராசிரியர்கள் புதுமையான தலைப்புகளில் உரையாற்ற உள்ளனர். கருத்தரங்கப் பங்கேற்பிற்கானப்  பதிவுக்கட்டணம்: ரூ.1000. இணையதள காணொளி கருத்தரங்கத்தில் கலந்து கொள்பவர்களுக்கு மின்-சான்றிதழ், இதழின் மின்-மேல்தரவு (e-Metadata) மற்றும் ஒரு ISBN இலவசமாக வழங்கப்படும்.

கட்டுரையாளர் கவனத்திற்கு:

1. ஆய்வுக்கட்டுரை  தமிழ் /ஆங்கிலத்தில் அமையலாம்.
2. ஆய்வுக்கட்டுரை  ஏ4 தாளில் 12 அளவு, 1.5 இடைவெளியுடன் ஏரியல் யுனிகோடு (தமிழ்), டைம்ஸ்
நியூரோமன் (ஆங்கிலம்) எழுத்துருவில்  தட்டச்சு செய்து இருக்க வேண்டும்.
3. கட்டுரைத்தலைப்பு, பணியிட முகவரி, மின்னஞ்சல் முகவரி மற்றும் அலைபேசி எண் கண்டிப்பாக
கட்டுரையில் இருக்க  வேண்டும்.
4. ஆராய்ச்சியாளர்கள் தங்களுக்குரிய ORCID (https://orcid.org/) எண்ணை வழங்குதல் வேண்டும்.
5. ஆய்வாளர்கள் தங்கள் பயன்படுத்தும் புத்தகங்கள், ஆய்விதழ்கள், ஆய்வுக் கட்டுரைகள், ஆய்வேடுகள்
மற்றும் இணையதள தரவுகள் (மிகையான இணையதள உரலிகள் தவிர்க்கவும்) போன்ற  குறிப்புகளை நேர்த்தியான மேற்கோளிட்டுக் குறிப்புப்பட்டியலில் இடம் பெற்றிருக்கிறதா என  உறுதிச் செய்து கொள்ள வேண்டும்.
6. மேற்கோளிட்ட தரவுகள் மட்டும் துணைநூல் பட்டியலில் அமைய வேண்டும். அவை தமிழ் மற்றும்
ஆங்கிலத்தில் தமிழ் அகரவரிசையில் இடம் பெற்றிருக்க வேண்டும்.
7. ஆய்வுக்கட்டுரை ஆய்வு நோக்கம் கொண்டு கருத்துத்திருட்டு இல்லாமல் அமைந்தால் மட்டுமே
மதிப்பீட்டு நிலைக்குத் தேர்வு செய்யப்பெறும்.
8. ஆய்வாளர்களின் படைப்பில் கருத்துத்திருட்டு இருந்தால் பதிப்புக்குழு அக்கட்டுரையை  நிராகரித்துவிடும்.
9. ஆய்வுக் கட்டுரைகள் இரு அகமதிப்பீட்டு முறைக்கு உட்படுத்தப்படுகிறது.
10. அறிஞர் பெருமக்களால் மதிப்புரை வழங்கப்பட்ட சீரிய திருத்தங்கள் செய்யப்பட்ட கட்டுரைகள்
தகுதிக்கேற்ப E-ISSN & DOI எண்ணுடன் தமிழ்மொழி மற்றும் இலக்கிய பன்னாட்டு ஆய்விதழ்,  பாண்டியன் கோவில் கலைகள் தமிழ் ஆய்விதழ் மற்றும் செங்காந்தள் ஆகிய ஆய்விதழ்களில்  இலவசமாக வெளியிடப்படும்.
11. தமிழ்த்துறை சார்ந்த கல்லூரிப் பேராசிரியர்கள், தமிழறிஞர்கள், ஆய்வாளர்கள், படைப்பாளர்கள்,
ஆகிய அனைவரிடமிருந்தும் கட்டுரைகள் வரவேற்கப்படுகின்றன. ஆய்வுக்கட்டுரையைக்  கணினிவழி தட்டச்சு செய்து 30.05.2022குள்  president@pandianeducationaltrust.com என்ற
மின்னஞ்சல் முகவரிக்கு அனுப்புதல் வேண்டும்.
12. நெறிமுறைகளைப் பின்பற்றாத  கட்டுரைகள் நிராகரிக்கப்படும். ஆய்வுக்கட்டுரை மாதிரி பார்க்கச்  சொடுக்கவும். https://tinyurl.com/2p8799y2

கருத்தரங்கப் பதிவுக்கட்டணம் செலுத்தும் விபரம்

பசுமை வங்கி முறைகளைப் பணப்பரிமாற்றத்திற்குப் பயன்படுத்தவும். பணப் பரிவர்த்தனையைக் கீழே கொடுக்கப்பட்டுள்ள கணக்கிற்குச் செலுத்தவும். Bank: Indian Bank, Account Holder Name: Mrs. D. Pandiammal (Patron of the Trust) Account Number: 6503498159, IFSC: IDIB000V025, Branch: Virudhunagar, Tamil Nadu, India. கருத்தரங்கப் பதிவுக்கட்டணம் செலுத்தியதற்கானப் பற்றுச்சீட்டு உரிய முகவரிக்கு https://forms.gle/3x9VjHdn4rPThAPu5 வந்து சேர வேண்டிய கடைசி நாள்: 20.04.2022.
தொடர்புக்கு: 8526769556, president@pandianeducationaltrust.com
See Website: http://pandianeducationaltrust.com

மதிப்பீட்டுத் தளங்கள் மற்றும் ஆய்வுத் தளங்கள்